2007-4-8 15:57
景景
大尾魷教學
[img]http://i55.photobucket.com/albums/g146/gary7856/DSC00381.jpg[/img]
[b]教拖大尾魷短片
[url]http://www.fishing-v.co.jp/asx1/2004/06/fishingcafe0720040621500k.asx[/url][/b]
[color=Blue]( 轉載 )大尾魷教學區
各位兄弟姊妹，本人好興幸可以寫這篇教學區同大家分享交流心得，同希望可以幫到想學釣大尾魷既釣友，從而推廣釣魚活動。
希望大家可以湧躍發表意見、而本人有錯漏的地方希望大家可以提出加以糾正，謝謝！最後多謝大家支持,及希望這篇文章有機會置頂 ＋ 精華。
我們的對手
大尾魷係一種頭足類的軟體生物,有一双發達既眼晴，及有感應水中震動的能力,所以餌木的操控、形象及顏色對釣獲有著絕大的影響！
出沒地点
大尾魷通常在靜水內灣位、碼頭、防坡堤及附近有淡水滙入既地方或者漁排一帶都可見到踪影.釣点推介於西貢一帶就有白馬咀、龍蝦灣、火石洲及牛尾一帶 / 深涌及荔枝莊碼頭、將軍澳工業區、深淺水灣等等都有大尾魷上水記錄。而想釣巨物的朋友可於11月-4月間碰一碰運氣。
釣具
個人覺得，扞同絲是十分重要的因為控制得隻餌木好唔好，靠曬佢地。而本人就用一支9尺長魷魚杆、普通投絞(2000-3000)号,絲就用0.8号魷魚專用布繩。理由很簡單，當你拋左餌木落海後可能在30-40尺外及水深如果支杆唔夠挺及用咗D有彈性嘅魚絲，當你抽扞做動作時有多少可以傳到去隻餌木到呢？及形態似唔似隻蝦呢？大家可以想像吓大尾魷食餌木，原因餌木似隻蝦及有蝦的動態跳跳下吸引到，如果用錯工具後果.................
而餌木方面可分鮮豔或天然色、鮮豔色本人喜用(橙或紅)色，因中得最多，可用於早上或中午嘅睛天 、而天然色係有綠色、啡黑等可用於下午或晚上或天陰的日子。所以出動時帶多幾隻唔同色，係無魚訊下可以換色試下。
所以個人推介： 一支9或12尺長假餌或魷魚專用杆
： 細号數專用布繩
： 絞就無所為
： 相對既子絲做瀨腳
： 數隻不同色及重量嘅餌木
釣法
呢一点最重要，但偏偏就＋分多變化。在唔同環境、天氣、光線、温度都要配合唔同手法及餌木嘅顏色。我同大家分享3種手法。
1.拋出餌木後杆頭向海當餌木到底後收緊絲，之後温柔地向上抽兩下後等餌木慢慢地下沈，及收虛絲。一路重覆等到上釣。
2.貼底釣法--專釣墨魚 / 當餌木到底後向上抽一下後有佢沈到底後等，其間可收一兩圈，等一兩分鐘後再重覆睇下中唔中.要决係要盡量貼底行及無需大動作。
3.快揪法--我喺出艇常用當餌木到底後即快揪3-4下及每一下都配合收絲之後同上面一樣等下沈及魚訊
總括而言釣大尾魷係要多嘗試(手法及顏色)、多觀察(附近的高手釣法)及機動性(無就轉位)。希望這一篇教學可以幫到大家。
謝謝觀看。[/color]
[b]以下呢幾支餌木竿[/b]
[img]http://stadmin.ecbusnet.com/user/triton/Items/ogk2.jpg[/img]
[img]http://stadmin.ecbusnet.com/user/triton/Items/squid71.jpg[/img]
[img]http://stadmin.ecbusnet.com/user/triton/Items/squidlaw2.jpg[/img]
[img]http://stadmin.ecbusnet.com/user/triton/Items/emerald2.jpg[/img]
[img]http://stadmin.ecbusnet.com/user/triton/Items/rumba2.jpg[/img]
[img]http://stadmin.ecbusnet.com/user/triton/Items/egisoku2.jpg[/img]
[img]http://stadmin.ecbusnet.com/user/triton/Items/aora2.jpg[/img]