2007-3-16 23:52
taki0622
你一生中等過幾多個人﹐等左幾耐﹖
[color=Magenta][size=3]老實講﹐我等過兩個人﹐何為‘等’﹖就係等機會﹐等對方回心轉意。第一個係我小學個鎮﹐就已經喜歡左個女仔。你可以話我人細鬼大﹐不過事實就係事實。
記得當時只係小學三年紀﹐只得8-9歲﹐我同佢係不同班﹐因為有一次佢地個班主任老師去生仔﹐所以有時候上幾個科﹐佢地就會黎我地個班上。由于每次佢地上個一科之前﹐我地個班係上其他科﹐而上個一科係要去其他地方上﹐好似係咩生活技能科。因為甘﹐所以每次要一齊上個一科之前﹐我返去課室時都一定會經過佢個班﹐所以過後我每次都會第一個去幫佢拿凳同賣書包﹐不過呢個情況只係維持成兩個月﹐因為過後佢地個班主任返黎左。
到左小學六年紀個陣﹐剛好我同佢個表哥好熟﹐佢比我個女仔電話號碼等資料。我嘗試過打比佢﹐仲同佢表白左﹐但係當時我咩都唔識﹐我同佢冇咩談天﹐一年冇講過超過5句話﹐甘又難怪﹐同賣當時佢同我講﹐佢屋企人唔比佢傾電話﹐又話屋企人唔比呢D唔比果D。我雖然係仲細﹐但係我並唔係傻的﹐所以我唯有默默的收線。雖然當時我已經同我版幾個女仔發生非聞﹐有同班女同學﹐唔同班女同學﹐女班長等﹐不過我認為呢D唔係佢拒絕我的理由。
慢慢甘到左中學﹐一年又一年﹐到我中三個陣﹐有一次學校舉辦情人節送花﹐我就送左玫瑰花比佢﹐雖然唔同班﹐但係我都有同佢同班的死黨﹐佢地話我知﹐當佢收到D花之後﹐就順手丟入垃圾桶﹐果次之後﹐幾乎全校都知道我中意佢。雖然係甘﹐但係我始終都冇對佢有任何行動﹐比如話同佢傾多D野等等的辦法﹐呢D其實都係我D朋友教我的。過後我地每次見到面﹐佢唔係‘哼’一聲走左去﹐就係眼望另外一邊走左去﹐而我就唔係嘆氣行開就係低頭不語行開。雖然到向中學時期﹐我都一樣有同其他女同學有非聞﹐當中一樣有同班﹐唔同班﹐班長或者巡察員﹐但係我都冇任何反應﹐因為我心中只有佢。
不過向度先講明﹐我唔係果D好 ACTIVE 的男生﹐我通常都好少講話﹐冇麼參加多人的活動﹐我只係一個只參我革幾個死黨﹐中意運動的一個普通學生﹐雖然我都曾經做過班長﹐做過巡查員﹐做過學會主席﹐代表﹐財政等等。
最後到中學畢業﹐我同佢就已經冇再見過面。我一直以為我已經忘記左佢﹐直到今年新年﹐我同D死黨去飲酒﹐我唔知點解﹐新年之前我有個突然捻起-佢的感覺﹐覺得我地會再見面﹐結果向我飲酒個晚﹐佢真係出現向我面前﹐真係古唔到﹐從畢業之後已經六年啦﹐我六年冇見過佢﹐佢依然係甘完美無缺﹐而我最後一次停佢把聲已經係差唔多成十年前個句‘哼’。
佢有坐賣我地張臺﹐因為同我同臺的死黨同朋友﹐每個人都識得佢﹐加賣我一共7個人﹐佢坐落黎之後﹐同晒個6個人講過話﹐敬下只啤酒﹐就唯獨係我﹐而我亦冇同佢打招呼﹐就甘自己一個人飲悶酒﹐一下就灌左三瓶啤酒。佢大概坐坐成半粒鐘左右就走左﹐而我因為飲得太急﹐結果有多少醉﹐仲想嘔。我就去廁所﹐因為個件酒吧唔係好大﹐個廁所只有兩間﹐一個我朋友用緊﹐所以我就等另外一個﹐又古唔到﹐等到出黎果個係佢﹐當時我地各望住對方幾秒鐘﹐但係始終冇出到聲﹐最後依然默默甘離開左。
我仲向我死黨身上知道﹐佢已家向新加坡做工﹐而且仲已經有男朋友。鬼咩﹐鬼叫我自己當初咩都唔做﹐鬼叫我地係屬于兩個唔同世界的人咩。冇計啦﹐自己冇甘既福份﹐自己失去左太多既機會。14年啦﹐自從見到佢﹐自己先發覺﹐已經中意佢有14年啦﹐原來佢依然一直向我心中的第一位﹐仲揮散不去。
至於第二個﹐我就等左佢4年。呢件事已經係5年前既事﹐我同呢個女仔係向網上認識的﹐過後大家都傾得好契。而佢﹐第一次同佢表白的時候﹐都係被拒絕﹐但係到第二次就成功﹐不過當時佢係同前男友分手冇幾耐﹐可能係一時衝動﹐結果我地發展到唔到兩個星期就散左。過後因為佢話仲要讀書﹐暫時唔會捻呢D野﹐所以我就唯有等。就甘等左4年﹐4年過後﹐我再溫返佢﹐我話我已經等佢等左4年﹐但係最後佢同我講﹐佢會去澳洲讀三年書﹐佢唔想先接受我﹐因為佢驚三年之後﹐大家會因為距離同賣時間關係而再分開﹐而佢已家的確真係向澳洲讀緊書﹐分分鐘鐘我會甘繼續等到佢三年後返黎﹐可能到時候我會同佢講﹐我等左佢已經有7-8年啦。
雖然話我等呢兩個女仔﹐但係我知道已經係冇機會﹐或者可以話我一直以來只係自己一廂情願﹐自己向度單戀﹐雖然我也知道等幾多年﹐但係始終對我地黎講係個冇用的數目字。幾年之後我會點﹐而我又會唔會繼續等﹐老實講﹐我都唔清楚﹐但係以我目前個性格﹐我捻我永遠都只係會孤獨一個人﹐並唔完全係因為我心中仲有佢地﹐而係我連自己都唔識得點去愛惜自己﹐我又有咩資格去愛人地。
一個人已經冇晒衝勁﹐無論點教﹐點解釋都已經救唔到﹐
一個人對人生已經唔在乎﹐係永遠只會放棄﹐
一個人對人生已經冇晒目標﹐無論你點講﹐佢都已經唔在乎。
而果個人就係我。[/size][/color]
[[i] 本帖最後由 taki0622 於 2007-3-16 23:53 編輯 [/i]]